Menu
Cart 0

النيكوتين في الفيبنج

Posted by DV Admin on

النيكوتين في الفيبنج يختلف كليا عن النيكوتين في السيجارة... لية؟ في السيجارة تتسارع ضربات القلب وتنشط(لكن) بصحبة ذلك بيطلع اول اكسيد الكربون بكميات كبيرة جدا ودا بيشيل الاكسجين من علي الخلايا وبيقعد مكانها... عندة قابلية للارتباط 210 مرة اكتر من الاكسجين... القلب وكل الخلايا تتغذي علي الاكسجين وهنا هو اتحرم منه بالاضافة لزيادة نبضات وعمل القلب(مجهود مضاعف يحتاج اكسجين اكتر) ومفيش اكسجين فتبقي النتيجة النهائية منيلة بستين نيلة من كل الجهات بلا استثناء... اما في الفيبنج فلا يوجد اول اكسيد كربون ولا حرق... فيتم تنشيط القلب لكن بدون الي قلنا علية... طب في الحالتين تنشيط القلب من النيكوتين عامه مفيد ولا لا؟ لا هو مضر في الحالتين باختلاف نسبة الضرر طبعا... في الفيبنج مضر فقط وفي السجاير مضر اضعاف الاضعاف للاسباب الي قلناها... طب مضر في الحالتين لية؟ لان زيادة نبضات القلب دي ناتجة من افراز الادرينالين... النيكوتين اول حاجة يعملها يطلع ادرينالين... الادرينالين بيعمل كذا حاجة من ضمنها تسريع النبض مش هوا دا بس الي بيعمله دا تاثير من ضمن العديد للادرينالين فعشان المعادلة تكمل لازم نربط تاثير الادرينالين عامه مش اثر واحد فقط ومن اهم الي بيعملة انة بيعمل انقباض للاوعية الدموية طب ما الاوعية الدموية دي الي بيمشي فيها الدم الي القلب بيضخة اساسا... فالقلب يشتغل كتير يعني نبض اعلي... فيضخ دم اكتر.. علي اوعية ضيقة عن الطبيعي فيزيد ضغط السائل داخل الاوعية فينتج في النهاية ارتفاع ضغط الدم.. ودا ع المدي الطويل كارثي طبعا علي الكلي والعين والقلب وغيرو من الاجهزة المختلفة

Share this post



← Older Post

Sale

Unavailable

Sold Out